Tumanggap ng especial na parangal si Amb. GION VILLAMOR GOUNET, United Nations Goodwill Ambasador, Peace, Cultural, Educational & Ecclesiastical Advocates sa ginanap na “GAWAD SULO NG BAYAN”, Parangal para sa Natatanging ORGANISASYON AT INDIBIDUWAL. Siya rin ang naging pangunahing pandangal at tagapagsalita sa nasabing okasyon, kasama si Engr. Jun Lozada.
Ang GAWAD SULO NG BAYAN ay inorganisa ng Golden Torch Creative Consultants Association Inc. (Golden Torch CCA, Inc.). Ito ay grupo ng mga propesyonal mula sa ibat-ibang industriya sa nasyonal at lokal na pamahalaan. Binibigyang parangal ng grupo ang mga natatanging indibiduwal at organisasyon na nakapagbibigay ng magandang halimbawa sa nakararami, lalong-lalo na sa larangan ng edukasyon, livelihood, sports, health, at iba pa.
Layunin ng grupo na magsilbing modelo at inspirasyon ng ibang nanunungkulan sa gobyerno o lokal man, na maging matapat sa kanilang pagseserbisyo sa bayan, lalo na sa panahon ng krisis at kalamidad.
