Ni NOLI C. LIWANAG

SA pagdiriwang ng ika-29 na taon ng Technology Application and Promotion Institute-Department of Science and Technology (TAPI-DOST), na may temang TAPIyesta: “Pinatatag na Paglilingkod para sa Agham at teknolohiya na ginanap kamakailan sa TAPI-AVR, DOST Complex, General Santos Avenue Bicutan Taguig City, ipinakilala ang apat sa mga nasuportahan at natulungan ng TAPI upang mapaunlad ang kanilang mga negosyo.

Ang okayson ay pinangunahan nina TAPI Director Engr. Edgar I. Garcia; Undersecretary for S&T Services Dr. Rowena Cristina L. Guevara; at Intellectual Property Office of the Philippines’ (IPOPHL) Director General Atty. Josephine R. Santiago.

Ayon kay Director Garcia, patuloy ang TAPI sa paglulunsad at pagsusulong ng mga programa upang palakasin ang promosyon at komersiyalisasyon ng lokal na teknolohiya na patuloy sa pagsasagawa ng technology fairs and exhibits, invention contests, technology training, pilot plant assistance, at productivity consultancy services.

“The onset of the new millenium saw TAPI refine and refocus its strategies as a response to national priorities and partnership opportunities both local and global. TAPI’s S&T interventions were brought further into the countryside to incite productive enterprises and industries,  contributing to economic empopwerment in the regions and to the nation as a whole,” ayon pa kay Garcia.

Dahil sa TAPI, patuloy ang pagdami ng mga Pilipinong nagtatagumpay sa kanilang pagpasok sa negosyo, tulad na lamang nina Mary Michelle Quiambao ng PSTD-Pampanga katuwang ang Samahang Magsasakang Kababaihan sa Tinabang (SAMAKAT) na pinamumunuan ni Loida Rivera, ng Sto. Rosario, Magalang, Pampanga na nabigyan ng financial assistance na P154,000.00 sa pagpapaayos ng sugarcane extractor, fabrication of food grade Clarifier, Cooling table, Spade and Pale para sa Muscovado Sugar Production tulad ng Panutsa, inuyat at suka.

Natulungan din ng TAPI si Betty More, general manager ng Healthy Sweets ng Panabo City, Davao del Norte kung saan kilalang gumagawa ng organic coconut sugar at coconut sugar based candies at teas na nagsimula noong 2009.

Maging ang Lampara Trends Inc. (LTI) na pag-aari ni Marinette Pagtakhan ay sinuportahan ng TAPI sa pamamagitan ng DOST-NCR Set-Up  project na umabot sa P2,800,000 na financial assistance.

Maging ang invention ni Melchor Heñosa ay inagapayan din ng TAPI sa pamamagitan ng Industry-Based Invention development (IDEB) Asisstance Program Financial Grant na may kabuuang P76,569.68 noong June 2015 at P41,440.00 noong Nobember 2015 para sa “prototype development of Leak Valve for Brake System of Motor Vehicle.”