Agad na tumungo sa Kalinga si Agriculture Secretary Manny Piñol, sakay ng military chopper para  ma-assess ang tinamong pinsala ng bagyong Lawin sa Region II, matapos na makabalik mula sa official visit sa China kasama si Pangulong Rodrigo Duterte.  Dumiretso na sa kanyang  assessment mission sa Northern Regions pagkagaling sa China ang kalihim.

“I proceeded here as the president instructed us and wants us to deliver immediate help and interventions to affected areas in the Northern Regions of Luzon particularly Cagayan Valley, which bore the brunt of super typhoon Lawin, in the most expeditious manner as possible as time is of the essence,” Piñol said.

Base sa inisyal na assesment, ang mga nasirang  agrikultura at pangisdaan ay umaabot na sa P10.2 billion, kasama na ang palay, mais at mga gulay na siyang labis na sinalanta ng bagyong Lawin.

“This does not yet fully reflect the destruction brought by super typhoon Lawin in these regions as we are still in the process of assessing all sectors,” ayon pa sa Kalihim.

Sa pagbisita ni Piñol, nakausap nito si  Governor Jocel Baac ng Kalinga, napag-usapan ng dalawa ang plano at aksiyon para matulungan ang mga magsasaka at mangingisda na makabangon sa pananalanta ng super typhoon.

Inatasan ni Piñol ang mga opisyal at personnel ng Agriculture Department na lumikom ng food assistance para sa mga apektadong farmers at fisherfolks, bilisan ang pagba validate ng damages, pagkakakilanlan at bilang ng mga farmers at mga fisherfolks na apektado, agad na bigyan ng seeds from pre-positioned seed buffer stocks, fertilizers, fishing gear, at iba pang kakailanganing assistance.

“I have also instructed the concerned DA agencies, particularly the Philippine Crop Insurance Corporation and the Agricultural Credit Policy Council, to swiftly process crop insurance payments to enable the farmers and fishers cope with their loss,” he said.

Sa huling tala, mahigit 49,000 farmers na ang apektado Typhoon Lawin, umaabot na sa  406,000 ektarya ang napinsalang lugar na kinabibilangan ng Cordillera Administrative Region, Cagayan Valley, Central Luzon, CALABARZON, MIMAROPA at Bicol region.