MULA sa Guinobatan Albay, isang Albayanon na si Dr. Calixto M. Protacio ay itinalaga ni Pangulong Benigno Aquino III na mangasiwa bilang Executive Director ng Philippine Rice Research Institute (PhilRice).
Si Dr. Calixto ay isang horticulturist at academician. Nagtapos siya ng kanyang pag-aaral bilang Bachelor’s Degree in Agriculture, Major in Horticulture sa University of the Philippine Los Baños at PhD in Plant Physiology sa Pennsylvania State University, USA.
Naglingkod siya sa University of Philippines Los Baños bilang Profesor at Direktor ng Institute of Plant Breeding and Crop Science Cluster; Philippine Agricultural Scientist bilang editor-in-chief; University of California Riverside, bilang post-doctoral research associate; at Pennsylvania State University sa Louisiana State University bilang graduate research assistant.
Pinanumpa ni Agriculture Secretary Proceso Alcala sa kanyang opisina nitong nakaraang July 10, 2015, kapalit ni DA Assistant Secretary Edilberto M. De Luna na nagsilbing officer-in-charge matapos magretiro si Dr. Eufemio T. Rasco, Jr. buwan ng Pebrero.
Sa ginanap na turn over ceremony, hiniling ng bagong chief executive ang suporta at pakiki-isa ng buong staff at miyembro ng PhilRice na ipagpatuloy ang pagsisilbi sa mga magsasaka.
