“Serye ngTulang Dagdag Kaalaman” [#3]
Ni: JD Agapito
“Araw ng mga Puso”
Kapag Valentines Day iba ang pakiramdam
Puso’y lumulukso’t tibok ganun na lang
Nais ipakita itong pagmamahal
Dahil ang araw ay napakaespesyal
Kung sa nanliligaw maaring sagutin
Kung sa bagong kasal, pulot-gata mandin
Kung sa mag-asawa’y tiyak magloloving
Kung bagong mag-syota tiyak gagabihin
Tiyak na matrapik sa mga lansangan (sobra ngayon)
Maraming lalabas para magdate naman
Dinner sa restoran at date sa sinehan
O kahit maglakad lang na nakaholding hands
Para yan ay noong walang Covid 19
Dahil sa pandemya ay ibang-iba na rin
Kalusugan ang dapat na unahin
Walang Valentine’s day kung ang buhay ay bawiin
Di kayang ipaliwanag ng kahit sinuman
Ang tunay na anyo nitong pagmamahal
Bawa’t mga tao’y mayroong kaibahan
Sa mga istorya ng pag-iibigan
Sadyang mahiwaga itong pagmamahal
Itong pakiramdam ay napakagaan
Parang nasa langit laman ng isipan
Tingin din sa mundo’y kulay rosas naman
Sa nagmamahalan ay mayroong payo
Linisin ang isip maging ang puso n’yo
Sikaping matupad mga pangarap ninyo
Habang nabubuhay maging tapat kayo
Dito sa aking tula ay mayroong dasal
Sa Diyos natin ialay ang pag-iibigan
Hilingin sa kanyang tayo’y patnubayan
Siya ang maging sentro nitong sanlibutan
