Nag-viral ang pahayag ni dating Interior Secretary Benhur Abalos matapos niyang sabihin na si Pangulong Ferdinand “Bongbong” Marcos Jr. umano ang nag-donate ng kidney sa kanyang ama, ang yumaong Pangulong Ferdinand Marcos Sr., noong dekada 1980.
Ayon kay Abalos, personal niyang nasaksihan ang pangyayari dahil madalas siyang kasama ng pamilya Marcos noon. Sa panayam sa PaMaMaRiSan-Press Corps sa 17th National Congress and Seminar Workshop ng DepEd–NEU, sinabi niyang kinailangan ng kidney transplant ni Marcos Sr. at si Marcos Jr. ang nag-alay ng isa sa kanyang mga bato.
Binigyang-diin ni Abalos na napakalaki ng panganib para sa isang donor noong panahong iyon dahil hindi pa maunlad ang teknolohiya sa operasyon. Dagdag pa niya, asthmatic umano si Marcos Jr. noong kabataan kaya mas delikado ang kondisyon nito. Binaggit din niya ang isang viral video noong pandemic kung saan nagpa-test ang Pangulo, na aniya’y patunay na madali itong dapuan ng karamdaman.
Mariin din niyang pinabulaanan ang mga paratang na gumagamit si Marcos Jr. ng ipinagbabawal na gamot. Para kay Abalos, ang umano’y pag-donate ng kidney ay nagpapakita ng pagmamahal at malaking sakripisyo ng Pangulo para sa kanyang ama.
Giit niya, ang pangyayaring ito ay patunay umano ng pagiging mabuting anak at dedikasyon ng Pangulo sa pamilya.
