“Serye ng Tulang Dagdag Kaalaman”
Ni: JD AGAPITO
“Araw ng mga Ina ngayong Pandemya” 2021
Ikalawang taon ng pagkakaroon ng Pandemya Pero ipinagdiriwang pa rin ang Araw ng mga Ina Dahil kung walang nagsilang ay wala talaga O kung di man ay ang pag-aarugang walang kapara Dahil ang INA o pagiging INA ay simbolo Nitong pagkalinga at pag-aarugang totoo Mula sa pag papalaki hanggang sa magkaapo Yan ang tatak ng pagiging INA sa mundo At Dahil may kinakaharap na krisis ngayon Iba iba naman ang mga sitwasyon Kung nag-oopisina man o hindi noon Marami na ang tinatawag na “work from home” Ibig sabihin ay mas pirmi na ngayon sa bahay Kaya ang trabaho ay mas dumami at sabay sabay Pang-opisina at mga gawaing pambahay Pilit tinatapos at hindi sumasablay Kaya sa araw na ito ay bigyang pansin Ang mga ginagawa ng mga INA natin Samut sari ang mga ginagawang tungkulin Maitaguyod ang mga anak ang pinakalayunin Sa pakiramdam ay di mawawala ang pag-aalala Lalo na sa sakit na mabilis makahawa Naroon sa puso at isip ang pangamba Na pilit pinapawi ng pananampalataya Kaya tibay ng kalooban ay laging hinihiling Sa Dakilang Diyos na siyang gabay natin Upang magampanan ang mga tungkulin Na di naghihintay ng anumang kapalit sa bukas na darating Salamat po,Happiness
