Ipinahayag kamakailan ng Department of Agrarian Reform (DAR) na tapos na ang land acquisition and distribution program (LAD-FREE) sa buong lalawigan ng Catanduanes.

Sa isinagawang pormal na pagdedeclara ng programa, masayang iniabot ni DAR Regional Director Luis B. Bueno Jr. ang nilagdaan LAD-Free Certification kay Provincial Agrarian Reform Program Officer o PARPO Alexander T. Teves kasama si Assistant Regional Director for Operations Samuel Solomero.

Sinabi ni PARPO Teves na may kabuuang labinlimang libo at labing-apat punto limang-libo siyam na raan at pitumpung (15,014.5970) ektaryang sakahan ang naipamahagi sa sampung libo’t dalawandaan at pitumpung (10,270) magsasakang benepisyaryo sa naturang lalawigan ang nabiyayaan ng LAD- FREE.

Labis-labis naman ang pasasalamat ng mga magsasakang benepisyaryo at nangako na magiging produktibo at patuloy na gagawing masigla ang lupang ipinamahagi sa kanila. (jnormt)