Nahirang ni Agriculture Secretary Emmanuel F. Piñol na maging Acting Executive Director ng PhilRice Si Dr. Sailila Estilong Abdula, na nagsimula na nitong buwan ng August 2016. Si Abdula ay dating Chief Science Research Specialist at nakatalaga bilang Acting Director ng PhilRice Midsayap branch station sa North Cotabato. Si Abdula ay tubong West Patadon, Matalam, North Cotabato, kumuha ng PhD in Agriculture, Major in Plant Genetics, sa Chungbuk National University sa Korea taong 2012. Bilang Rice Breeder, tumulong si Abdula sa pag develop ng NSIC Rc120 at Rc226 para masugpo ang TUNGRO o rice disease sa Southern Mindanao.
Nagsimulang magtrabaho si Abdula bilang Junior Researcher sa PhilRice buwan ng September 1996 pagkatapos niyang mag-aral taong 1995 sa kursong BS in Agriculture (cum laude) sa University of Southern Mindanao sa Kabacan, North Cotabato. Kumuha siya ng Master’s Degree in Plant Breeding sa UP Los Banos. Natapos din niya ang Master in Development Management sa Development Academy of the Philippines.
