Sino ang susunod na House Speaker sa Kongreso? ito ang mainit na pinag-usapan sa ginanap na Pandesal Forum nitong nakaraang July 4, 2019 sa Kamuning Bakery Cafe sa Quezon City.

Naging panauhin sa nasabing  Forum sina: Congressmen Fredenil Castro ng Capiz, Joey Salceda ng Albay at Mike Defensor ng Kalusugan Party list, na nagbigay ng kanikanilang opinyon ukol sa mga nagpaplano at tatakbong House Speaker sa Kongreso.

Ang mga maiinit na naglalaban-laban sa nasabing posisyon ay sina, Taguig-Pateros 1st District Representative Alan Peter Cayetano, Marinduque Representative Lord Allan Velasco, at si Leyte 1st District Representative Martin Romualdez, posible ring tumakbo sa pagka speakership si Davao City 1st District Representative Paolo Duterte at dalawa pang iba na sina,  Davao City 3rd District Representative Isidro Ungab, at si dating House Speaker Representative Pantaleon Alvarez, ng Davao del Norte 1st District .

Si Wilson Lee Flores naman na may ari ng Kamuning Bakery Cafe at kolumnista ng isang Broadsheet magazine ang nagsilbing Moderator sa nasabing talakayan. Sino nga kaya ang susunod na House Speaker? Abangan po natin yan! (Photo by: Mark Nilo Odiaman)